حواء...
.
.
.
أم
.
.
.
أخت
.
.
زوجه
.
.
حبيبه
.
.
وما إلى ذلك...
.
.
.
ظهر مُؤخراً تيار يدعو إلى حقوق المرأه فى المُجتمع !
.
.
.
دار بينى وبين إحداهن حديث...
.
.
.
" الراجل الشرقى عموماً راجل مُتخلف "
بعباره كـ هذه بدأ بيننا الحديث..
.
.
بإستنكار شديد رددت قائلاً
" مين اللى قالك كدا ! "
.
.
" أيوه إحنا عايشين فـ مُجتمع مُتخلف بيدى الحقوق للراجل ومضيع حق الست "
.
.
" إزاى بس يابنتى اللى بتقوليه ده !...إحنا بتحكمنا عادات وتقاليد منقدرش نهملها "
كـ أى رجُل شرقى كُنت ألتمس العُذر لنفسى وللمُجتمع..
.
.
" عادات وتقاليد مُتخلفه برضه وزى ماقولتلك الراجل العربى مُتخلف "
.
.
" مُتخلف فـ إيه يعنى !! "
.
.
" يعنى بيحاسب البنت على حاجات بيعملها الراجل ومحدش بيكلمه ! "
.
.
" يعنى إنتى عايزه تغلطى زى مالراجل بيغلط ومحدش يحاسبك ولا إيه !! "
.
.
" لا...أنا مقولتش كدا...أنا عايزه مساواة فى العقاب "
.
.
" ومين قالك يابنتى إن الراجل مش بيتحاسب ! "
.
.
" أيوه مش بيتحاسب ومثل بسيط إن ممكن أى شاب يحكى عن تجربة مُحرمه ليه مع أى بنت وبيحكى بكل فخر وغرور ! "
.
.
" ومين قالك إننا مش بنحاسبه كـ مُجتمع شباب ! "
" إحنا بنقعد نقوله حرام وإعتبرها أختك و....و...و...حاجات من دى يعنى "
.
.
" طب تخيل بنت بتقول نفس التجربه هتقولو لها إيه ؟ "
.
.
" طبعاً هنقول إنها بنت (.....) كلمه مش كويسه يعنى "
.
.
" شوفت بئا . . مع إنها عملت زى الراجل بالظبط "
.
.
" أيوه عشان هو راجل وهى بنت "
.
.
" يعنى إيه راجل وبنت...الدين ساوى بين الإتنين فى العقاب ومش من حق حد يحاسب البنت ويسيب الولد "
.
.
" يعنى مُجتمعنا بيبص للراجل على إنه معندوش حاجه يخاف عليها وعادى يعمل اللى هو عايزه "
.
.
" عشان مُجتمع مُتخلف "
.
.
" يابنتى لو نفذنا اللى بتقولى عليه ده البنات هتدور على حل شعرها "
" ومش بعيد نلاقى نص بنات البلد فقدوا عُذريتهم والحكايه بقت هيصه "
.
.
" أنا قولت لك إنى مش بطالب بتصريح الغلط للبنات "
.
.
" ومين قالك إن المُجتمع مش بينظر للشاب ده نظرة إحتقار ! "
" وكفايه أوى النظره دى يعنى..."
.
.
" بس بردو مش زى البنت..."
.
.
" ماهو مش زى البنت لأن تكوينها الفسيولجى غير الراجل خالص وعندها اللى تخاف عليه "
.
.
" والراجل تكوينه الفسيولجى بيديله الحق إنه يغلط ومحدش يحاسبه ! "
.
.
" لا...أنا ماقولتش كدا "
مُحاوله لإخفاء توترى الملحوظ...
.
.
" بُص هو فعلاً مُجتمعنا هاضم حقوق كتير للست "
.
.
" إزاى بس...الست بتشتغل وبتنتج وبتقول رأيها و...و...و...إلخ "
" بصى يابنتى...إنتى فعلاً سيكوباتيه... "
.
.
" سيكوباتيه ومُعقده ومريضه عشان بطالب بأبسط حق من حقوقى وهو إنى أتساوى فى العقاب مع الراجل ! "
.
.
" لا...عشان مُعاديه للمُجتمع اللى إتولدنا وإتربينا فيه "
.
.
" ماهو لو المُجتمع مش غلط مش هبقى سيكوباتيه "
.
.
" ومتنسيش إن إنتى نفسك هتتجوزى راجل شرقى وهتخلفى ولد شرقى وهيبقى ليكى إن شاء الله حفيد شرقى "
.
.
" أيوه هتجوز واحد شرقى بس تفكيره مش مُتخلف زيكم ...وهخلف ولد شرقى بس هعلمه ميعملش الغلط اللى بتعملوه كلكم ! "
.
.
" عموماً بكره نشوف لما إبنك يبقى ليه علاقه بواحده هتعملى إيه "
.
.
" ومين قال إنى هسمح إنه يبقى ليه علاقه بواحده أساساً "
.
.
" ماهو لو منعتيه عن التجارب هيطلع راجل أهبل ومالوش تجارب فى أى حاجه وممكن أى حد يضحك عليه "
.
.
" هو لازم يجرب قلة الأدب عشان ميبقاش أهبل ومعقد ! "
.
.
" لا ...بس التجارب دى هى اللى هتعلمه "
.
.
" عموماً أنا سيكوباتيه ياسيدى وياريت نقفل النقاش لأنه طريق مسدود ! "
.
.
" أوكى...اللى يريحك "
.
.
.
.
.
تيار جديد تقوده " حواء " المُجتمع العربى باحثه عن حقوقها المهضومه من قِبل المُجتمع المُتخلف...
.
.
فين أساساً حقوقكن الضائعه دى !!
.
.
قرأت فى بعض المُدونات الأخرى تجارب لبعض الـ " حواءات " لا أرى فيها أى هضم لحقوق المرأه...
.
.
منها تجرُبه بتقول إن والدها ضربها عشان راحت مع واحد وسرق منها الخمسه جنيه....مع العلم إنه ضربها عشان راحت معاه مش علشان الخمسه جنيه . . . يعنى ببساطه خايف عليها !
.
.
عندما تـُمنح المرأة فى مُجتمعنا حقوقها الضائعه ( اللى مش ضايعه خالص يعنى)0
.
.
.
أظن أنها ستبحث عن طريقة أخرى لإسترجاع ماضيها المُتخلف !
.
.
.
