! معركه

زى مايكون كدا عايز أكتب.....

ماندو قالى إن البلوج ده بيبقى عن شوية كتابات كاتبها مع بعض النوادر اللى حصلت فى حياتك....

مين ماندو ده ؟؟

ده شخص ليه وجهة نظر ساعات بتعجبنى

" بس مش أوى "

المهم فتحت صفحة البوست وبكتب أهوه.....

بعيد عن اللغه العربيه اللى مش عارف لغه مُعقده ولا لغه سهله....

ساعات الواحد يحس ان الكلام بيجرى فى إيده زى الميه مابتنزل من الحنفيه كدا !!

ماعلينا.....

.

.

.

مشغل وليد توفيق...أغنية من غير كلام فى شريط إحتمال....الكئيب اللى - زيى - يشغلها ويسمعها...

.

.

.

قومت ولعت سيجاره....

.

.

إيه ده !!!؟

.

.

.

السيجاره خلصت بسرعه أوى

طيب هولع واحده تانيه...

.

.

.

يوووووووه . . .

مش عارف أكتب باللغه العربيه ولا لا .... بس الموبايل رنّ

المُهم إنى فعلاً كُنت عايز أكتب حاجه...

.

.

.

اه صح

.

.

عمال أكتب فى كلام . . مش عارف والله اللى فى المدونه ده إسمه إيه ؟؟

.

.

.

ده إسمه شعر ؟؟

.

.

.

طب إسمه نثر ؟؟

.

.

هجاوب وأقول المُهم إنى أكتب . . .

.

.

فـُـلانه الفــُلانيه - أقرب واحده ليا اليومين دول - بتقولى وحشتنى...

رديت عليها وقولت حاسس بمُجامله..

راحت قايله .

.

.

" لا مش مُجامله بس الكلام تايه "

.

.

هو كلام إيه اللى تايه ؟؟

.

.

يمكن مش عارفه تقول إيه مثلاً . . يمكن !!

.

.

السجاره التانيه خلصت بسرعه بردو !!!

.

.

المُهم من شويه قريت بلوج...إسمه إحنا عايشين عشان نتكاظى ولا بنتكاظى عشان نعيش ؟

.

.

مش عارف فى ناس فهمت الكلمه دى " نتكاظى " ولا لا .....

بس أنا فهمتها كويس أوى...

.

.

بس فعلاً سؤال مُحير أوى...

.

.

ياترى إحنا عايشين ليه ؟؟

.

.

" مفيش إجابه "

.

.

الأخ بردو اللى عامل المدونه مُكتئب زيى !

.

.

بس فى فرق بينى وبينه وطلعت الفرق ده طبعاً لأنى

.

.

" شخص عبقرى ووحيد عصرى "

.

.

المهم الفرق ده إنه تقريباً مش محمل نفسه أى مسئوليه عن الإكتئاب ده

أنا أكيد عليا مسئوليه فى الإكتئاب ده...

سواء أنا إتظلمت أو لاء

بس مسئول...

وإيه هى المسئولية دى ؟

أكيد أنا اللى وقعت نفسى فى إختيارات غلط...

مش حد تانى

وبكدا أكون أنا اللى إتجرحت برغبتى

وبمحض إرادتى...

وغير إنى مسئول . .

" راضـى "

مش راضى على أوضاع غلط...

" لا "

.

.

.

أنا راضى بنصيبى وبالقدر ومن أشد المؤمنين بيه كمان...

.

.

هــوووفـ

.

.

أنا كتبت إيه بس؟ !!

.

.

أظن أنها معركة فكرية حادة داخل عقلى ...

.

.

.