" الحُب عندك مرض "
أمِن المُمكن أن يُصبح الحُب مرضاً عند شخصاً ما ؟
و ليكن
أصبحت أنا مريضاً بحُب شخص مَا !
فِكرّه...
سأذهب للشيطان لـ يكتُب لى على دواء
ههههههههههه !
.....................
" نفسى أبقى واثق فى نفسى زيك كدا "
بالرغم من عبارات الثناء
وبالرغم من إصطناعى الخبرة فـ الأشياء
وبالرغم من تفاخرى بـ ترديد كلمات الأدباء
لستُ سوى ضعيف من آلاف الضُعفاء !
.....................
فـ لندعنا من هذا الهراء !
فما أظننى أكتب إلا هباء
و ليكن
للكلمةِ رب يحميها من أمثالى المُتطاولين السُخفاء
سأستمر فى سرد الكلمات...فى الصباح وفى المساء
.....................
إن كثيراً من الناس ينبغى ألا تُصافحهم بتلك اليد الرقيقه الحنونه...
وإنما أن تـُصافحهم بيد الأسد...بها مخالب حاده
" من أولئك الناس ؟ "
الذين تلقاهم مُصبحاً ومُمسياً
تملأ أفواههم إبتسامه رقيقه هادئه
يُحسنون التودد إليك...والتلطف لك
وياحسرتاه..من وراء كل ذلك الظلمه والعذاب
و ليكن
قال تعالى
" ولمَن صَبر وغَفرَ إن ذلك مِن عَزمْ الأمُورْ "
صبراً جميلاً والله المُستعان
.....................
و نحن فى ذلك الزمَان
كلُ ُ مِنَا يحتاج إلى الحنان
إزداد إضطراب النفوس وقلقها
عن مصير الحياه يتساءل كل إنسان !
و ينطق بالحيره كل لسان !
و ليكن
فليبحث البعض مِنا عن الأمان
و ليُرهق البعض الآخر نفسه فـ البحث عن السلطان
وفـ النهاية...
أقرب مَا يكُون للإنسَان هو أخيه الإنسَان
17 comments:
تعرف انا لما جيت اقرا
وقعت عيني علي كلمة
امن الممكن
فكرتني بمحمد هنيدي وقصيدته المشهورة
اممكن !! ههه
كلماتك دائما ما تمس شيئا داخلي
تحياتي ليك يا فنان
و ليكن
انا حسيت انك قلت حاجات كتير ودخلتنا فى مواضيع كتير و فى الاخر معرفناش ايه المقصود بالظبط
هل هو المرض الحب ولا النفاق والرياء ولا غربة الانسان
وليكن
يا ريت تفضل تكتب
وكمان عجبنى جداً تعبير مصافحه مخالب الاسد
تحياتى
ياعم آدم هنيدى إيه بس...هتخلينى أغير الكلمه..بتعقدنى ليه يا أخى :D
إنت اللى فنان ياعم مش أنا
متبقاش تغيب عليا :)
..................
why you
بصراحه أنا مكنتش أقصد أشتت تفكيرك وأدخلك ف حاجات كتير
بس كل اللى أقصده إنى بدأت بإشاره للحُب بجُمله قالهالى صديق...
وختمت بالرد عليه
وفـ النص زى مانا كاتب العنوان بالظبط..هـلوسة
وأنا بصراحه عن نفسى مش عاجبنى مخالب الأسد ومش مقتنع بيها وغصب عنى وأنا بكتب سمعت الآية الكريمه . . لقيت إنى أراجع نفسى وأصبر بدل مابقى ساخط وناقم على البشر بالطريقه دى...
وجملة نفسى أبقى واثق فى نفسى دى بردو إتقالت من صديق
وأنا كنت بسخر منها ف السطور اللى بعدها
ولقيت نفسى عمال بخبط ف الكتابه
رحت رادد على نفسى إن كل ده ملوش لزمه وقايل فـلندعنا من هذا الهراء
ورجعت تانى إفتكرت إن فى ناس كتير بتكتب وإذا كنت أنا سخيف ربنا يحمى الكلمات من سخافتى...
وعن غُربة الإنسان...
ده كان رد لأول جزء من البوست وهو مرض الحُب...شايف إنهم ليهم علاقة ببعض
سؤال وإجابه مش أكتر...
شكراً لتشريفك
كلام جميل واسلوبك حلو فى التعبير
بس ونبى كبر الخط لااحسن كمان بوست او اثنين ليك ومش هشوف تانى ههههه
تحياتى
بوست رائع
احتوى على اكثر من نقطة , كل واحدة لا تقل اهمية عن الاخرى و لكن من يرى بهذا المنظور؟! باننا فعلا فى كثير من الاحيان بنردد كلمات الادباء و لكن بداخلنا جهل عميق , اننا فى احيان كثيرة بنسخط على الناس و لا نتذكر هذه الاية و لا نتذكر هذا المعنى الجميل الذى ينقلنا الى سورة يوسف " صبر جميل و الله الستعان ".ثم تنهى البوست بحقيقة انسانية رائعة و لكن من يعرفها "و هى اقرب ما يكون للانسان اخيه الانسان بعد الله عز و جل اولا " و لكن اين الناس من كونهم انسان؟
كالعادة مبدع
تضغط بسن قلم رفيع على عمق الجرح
لتتخلص من صدأ ان أوان موته
_________________
ملحوظة واحده
المُتطاولون السُخفاء
المفروض المتطاولين
لانها مضاف اليه
تامر..شكراً لمرورك
وهبقى أكبر الخط
........
مُسلمه..
مُتشكر لإطرائك..وأكيد لسه فى ناس كويسين ف الدنيا كتير
........
إنتى حُره
شُكراً لملحوظتك المهمه جداً
بس أعذرينى أصلى مش كاتب..
مُجرد هاوى بيكتب
امير
انا كمان هاوية بس أخدت بالى المرة دى
:)
إنتى حُره..
ميرسى على إهتمامك ياجميل
(f)
جميلة بس لو كنت مكانك كنت قلت
في تلك الحياة لا سعادة خالدة ولا امان
زيف و كذب و رياء و بهتان
و اصبحت سعادتنا حلم الجنان
و في النهاية
اقرب ما يكون للانسان هو رب الانسان
اقتباس منك يعنى
أمِن المُمكن أن يُصبح الحُب مرضاً عند شخصاً ما ؟
ممكن جدا
__________
بالرغم من عبارات الثناء
وبالرغم من إصطناعى الخبرة فـ الأشياء
وبالرغم من تفاخرى بـ ترديد كلمات الأدباء
لستُ سوى ضعيف من آلاف الضُعفاء
جميعنا برغم كل شيء ضعفاء
__________________
فـ لندعنا من هذا الهراء !
فما أظننى أكتب إلا هباء
و ليكن
للكلمةِ رب يحميها من أمثالى المُتطاولين السُخفاء
سأستمر فى سرد الكلمات...فى الصباح وفى المساء
اكتب فهو متنفسك
_________________
شرم..
مُتشكر لمرورك..مع إحترامى لوجهة نظرك ربنا خلقنا عشان نبقى قريبين لبعض..وهو قريب مننا بردو زى مانت بتقول..قال صلى الله عليه وسلم
فيما معناه والله أعلم
" توادو . . تراحمو "
.............
لميا
شكراً لإجابتك الجميله
من أولئك الناس ؟ "
الذين تلقاهم مُصبحاً ومُمسياً
تملأ أفواههم إبتسامه رقيقه هادئه
يُحسنون التودد إليك...والتلطف لك
ياعم انت فين مش هترجع بقي
آدم باشا..
مُتشكر لمتابعتك وسؤالك
بس معلش اليومين دول معنديش كلام أقوله..
لسه عايش حالة الهلوسة بصراحه
تحياتى ليك وأشكرك تانى مره على إهتمامك اللى أسعدنى بجد
اسعدك وكل شيء بس لازم ترجع
ما ينفعشي كدا
بجد ليك وحشة
هاى مان
الكلام حلو جدااااا
وعلى فكرة ده نمط الكتابة اللى بحبه جداااااااا
واللى بحاول انى امسكه فى كتاباتى المتواضعة
ياريت لو نتعرف اكتر .........
ده البلوج بتاعى
mycore10.blogspot.com
ياريت تزوره وتقوللى رأيك فى المواضيع لأن رأيك يهمنى
yours
Post a Comment